monumenta.ch > Ambrosius > sectio 9

Word Selection for Searching

Report an Error in this Sectio
Ambrosius, De Obitu Theodosii Oratio, 9
Nos autem non subtrahamus nos ad dispendium animae, sed inhaereamus fidei ad animae nostrae acquisitionem; quoniam in hac fidei militia testimonium consecuti sunt seniores nostri Abraham, Isaac et Iacob. Et ideo haereditatem nobis fidei reliquerunt. Fidelis Abraham, qui non ex operibus, sed ex fide iustificatus est; quoniam Deo credidit: Isaac, qui per fidem nec gladium ferituri parentis expavit: Iacob, qui paternae fidei vestigiis intentus 1201, dum iter agit, angelorum vidit exercitum, et vocavit concilium Dei .